புயல் எச்சரிக்கை கூண்டுகளும்... அதன் குறியீடுகளின் விவரங்களும்..

எண் 1 - வெகு தூரத்தில் காற்றழுத்த தாழ்வு நிலை ஒன்று உருவாகி உள்ளது.

எண் 2 - தூரத்தில் புயல் மையம் கொண்டிருக்கிறது, துறைமுகத்தில் இருந்து வெளியேறும் கலன்கள் மிகுந்த கவனத்தோடு இருக்க வேண்டும்.

எண் 3 - மோசமான வானிலை, காற்றின் வேகம் அதிகம்.

எண் 4 - புயல் பின்னர் துறைமுகப் பகுதியை தாக்கலாம்.

எண் 5 - புயல் துறைமுகத்தின் வலதுபக்கக் கரையைக் கடக்கும்.

எண் 6 - புயல் துறைமுகத்தின் இடது பக்கமாகக் கரையைக் கடக்கும்.

எண் 7 - புயல் துறைமுகம் இருக்கும் பகுதி வழியாக அல்லது மிக அருகே கரையைக் கடக்கும்.

எண் 8 - வலிமை நிறைந்த புயலானது துறைமுகத்தின் வலதுபக்கக் கரையைக் கடக்கும்.

எண் 9 - வலிமை நிறைந்த புயலானது துறைமுகத்தின் இடது பக்கக் கரையைக் கடக்கும்.

எண் 10 - மிகக் கடுமையான புயல் துறைமுகம் இருக்கும் பகுதி வழியாகவோ மிக அருகிலோ கரையைக் கடக்கும்.

எண் 11 -புயல் எச்சரிக்கை மையத்துடனான தொடர்பு துண்டிக்கப்பட்டுள்ளது.